Կյանքի 71-րդ տարում մահացել է Հայաստանի Հանրապետության նախկին պետական նախարար, Հայաստանում ամերիկյան համալսարանի պրոֆեսոր և աշխարհահռչակ հնագետ Գրիգոր Արեշյանը: InterLur.com լրատվական գործակալության փոխանցմամբ՝ այս մասին «Ֆեյսբուք»-ի իր էջում գրել է Ազգային ժողովի «Իմ քայլը» խմբակցության պատգամավոր Նարեկ Մկրտչյանը:
«Ցավով տեղեկացա, որ այսօր կյանքից հեռացել է ՀՀ նախկին պետնախարար, աշխարհահռչակ հնագետ Գրիգոր Արեշյանը: Պրոֆեսոր Արեշյանի հետ տարբեր գաղափարներ էինք քննարկել և մտածում էինք դրանց իրականացման շուրջ: Շատ էր մտահոգվում պատմության թանգարանի անմխիթար վիճակի և ցուցադրության չդրված հազարավոր արժեքավոր իրերի ապագայով: Պրոֆեսոր Արեշյանը մեծ ավանդ ունի հայագիտության, հնագիտության և պատմության բնագավառներում: Պրոֆեսոր Արեշյանը գլխավորել է հնագիտական տարբեր պեղումներ, այդ թվում նաև Վայոց Ձորի մարզի Արենի-1 կոչվող քարայրի պեղումները, որոնց ժամանակ հայտնաբերվեց արդեն աշխարհին հայտնի 5500-ամյա ոտնամանը: Թող աստված հոգիդ լուսավորի»,- գրել է Մկրտչյանը:
InterLur.com լրատվական գործակալությունը կիսում է կորստյան ծանր վիշտը և իր ցավակցությունը հայտնում Գրիգոր Արեշյանի ընկերներին, ընտանիքի անդամներին ու հարազատներին:
Գրիգոր Արեշյանը ծնվել է 1949թ., Երևանում: 1987-1991թթ. Զբաղեցրել է ՀԽՍՀ Գիտությունների ակադեմիայի Հնագիտության ինստիտուտի փոխտնօրենի պաշտոնը: 1991-1992թթ. եղել է Հայաստանի Հանրապետության պետական նախարար: Ավելի ուշ տեղափոխվել է Միացյալ Նահանգներ, աշխատել Լոս Անջելեսի Կալիֆոռնիայի համալսարանի Հնագիտական կենտրոնում
Ցավով տեղեկացա, որ այսօր կյանքից հեռացել է ՀՀ նախկին պետնախարար, աշխարհահռչակ հնագետ Գրիգոր Արեշյանը: Պրոֆեսոր Արեշյանի...
Опубликовано Narek Mkrtchyan Воскресенье, 2 августа 2020 г.
