Կենտրոնում ապօրինի շինարարություն չի լինելու։ Այս մասին «Ֆեյսբուք»-ի իր էջում գրառում է կատարել Կենտրոն վարչական շրջանի ղեկավար Սամվել Ղուկասյանը՝ նշելով, որ զիջումները բացառվում են:
«Օղակաձև զբոսայգու 2-րդ հատվածում՝ Երիտասարդական մետրոյի հարակից այգում, ինքնակամ կառուցված սրճարանը ապամոտաժվեց՝ համապատասխան թույլտվության բացակայության հիմքերով:
Համայնքային սեփականություն հանդիսացող հողամասն ապօրինի տիրապետելու ցանկացած փորձ արժանանալու է համապատասխան գործողությունների իրականացմանը»,- շեշտել է նա։
