Այսօր՝ հունվարի 28-ին, Երևանի Հանրապետության հրապարակում 15։00-ից անց է կացվել իշխանության հրաժարական և ժամանակավոր կառավարության ձևավորում պահանջող քաղաքացիների ցույցը։ «Իրազեկ քաղաքացիների միավորումը» աերոնկարահանման միջոցով իրականացրել է ցույցի մասնակիցների հաշվարկ, որի արդյունքում պարզվել է, որ 15։30-ի դրությամբ Հանրապետության հրապարակում գտնվել է շուրջ 2150 հոգի։ Հաշվարկն իրականացվել է մասնակիցների անհատական հաշվարկի միջոցով։ Լուսանկարը բարձր որակով հասանելի է այստեղ։ Հաշվարկը ստուգելու նպատակով մարդկանց անհատականացնող կետերով նկարը կարելի է ներբեռնել այստեղից։
Հանրապետության հրապարակի Կառավարության շենքի մոտ լարված իրավիճակ էր. իշխանության հրաժարականի և ժամանակավոր կառավարության ձևավորման պահանջով հանրահավաքի մասնակիցները փորձել են մուտք գործել Կառավարության շենք, սակայն ոստիկանությունը պատնեշ է կազմել, ինչի հետևանքով հրմշտոց է սկսվել: Ինչպես տեղեկացնում է «Արմենպրես»-ը, ոստիկանության աշխատակիցները փորձել են հանդարտեցնել իրավիճակը:
Ակցիայի կազմակերպիչները հայտնեցին նաև, որ ոստիկանությունը բերման է ենթարկել հանրահավաքի պատասխանատուներից Արշակ Զաքարյանին:
