Անկարայի ոստիկանությունը վերջապես կարողացել է ձերբակալել ադրբեջանցի կնոջը, որը 8 տարի առաջ որպես տուրիստ գալով Թուրքիա, բազմաթիվ մարդկանցից խաբեությամբ դրամ էր շորթում։

Նշվում է, որ տարբեր մարդկանցից խաբեությամբ ավելի քան 1 մլն թուրքական լիրա (մոտ 150 հզ դոլար) շորթած կնոջը հաջողվում էր հետքերը կորցնել անընդհատ բնակության վայրը փոխելու միջոցով։ 

Նշվում է, որ այդ կինը սկզբում Թուրքիա է եկել որպես «Ադրբեջանցիների համերաշխության միություն» կազմակերպության անդամ, ինչի շնորհիվ ծանոթացել է բազմաթիվ մարդկանց հետ՝ ապագայում նրանցից շատերին դարձնելով իր թիրախը։

Ըստ թուրքական աղբյուրի՝ խարդախությամբ զբաղվող կինը սովորել է Ռուսաստանի ճանաչված համալսարաններից մեկում ու տիրապետում է 3 օտար լեզվի, իսկ նրա մայրը Ադրբեջանում ժամանակին եղել է խորհրդարանի պատգամավոր։ 

Աղբյուր`    Sabah