Մեկ տարուց ավելի տևած դատական նիստերից հետո այսօր Երևանի ընդհանուր իրավասության դատարանի Ավանի նստավայրում՝ դատավոր Վահե Միսակյանի նախագահությամբ, սկսվեց Սերժ Սարգսյանի և մյուսների գործով դատաքննությունը:
Գործով մեղադրող դատախազ Արսեն Մարտիրոսյանն այժմ ընթերցում է մեղադրական եզրակացության համառոտ բովանդակությունը:
Քրեական գործով ի սկզբանե մեղադրյալի կարգավիճակ է ունեցել հինգ անձ՝ Սերժ Սարգսյանը, Բարսեղ Բեգլարյանը, Գյուղատնտեսության նախկին նախարար Սերգո Կարապետյանը, Գյուղատնտեսության նախկին փոխնախարար Սամվել Գալստյանը և նույն նախարարության Բուսաբուծության վարչության պետ Գևորգ Հարությունյանը:
Գործի քննության ընթացքում Սերգո Կարապետյանն ու Սամվել Գալստյանը կորոնավիրուսից մահացել են. նրանց նկատմամբ քրեական հետապնդումը դադարեցվել է:
