Մարտական տեխնիկայից հրաձգության գործնական պարապմունք` ոստիկանության զորքերի զորամասերի անձնակազմի հետ` մարտական տեխնիկայի 14,5 մմ ՎՏԽԳ խոշոր տրամաչափի և 7,62 մմ ԿՏԳ գնդացիրներից։
Ս/թ. հուլիսի 13-15-ը, համաձայն ոստիկանության զորքերի պատրաստության պլանի, ՀՀ ՊՆ 《Բաղրամյան》 զորավարժադաշտում անցկացվեց մարտական տեխնիկայից հրաձգության գործնական պարապմունք` ՈԶ թիվ 1****, թիվ 2**** և թիվ 3**** զորամասերի մարտական տեխնիկայի 14,5 մմ ՎՏԽԳ խոշոր տրամաչափի և 7,62 մմ ԿՏԳ գնդացիրներից։ Պարապմունքի ավագ ղեկավարն էր ՈԶ հրամանատարի մարտական պատրաստության գծով տեղակալ, գնդապետ Գարիկ Միրզոյանը, տեղամասի հրաձգության ղեկավարը` փոխգնդապետ Մխիթար Մխոյանը։
Գնդացրորդների հետ անցկացվեց հրաձգություն` զրահափոխադրիչների սպառազինությունից ուսումնական հրաձգության առաջին վարժությունից։
Ներկա էր ՈԶ հրամանատարական կազմը, հրամանատար, ոստիկանության պետի տեղակալ, գնդապետ Հայկ Բաբայանի գլխավորությամբ, ով հսկում էր հրաձգության անցկացումը։
Պարապմունքն անցավ անվտանգության կանոնների խստիվ պահպանմամբ։
Հրամանատարության կողմից հրաձգությունը գնահատվեց կազմակերպված և արդյունավետ։