Հունվարի 21-ին և 22-ի առավոտյան ՀՀ պետական սահմանի հայ-ադրբեջանական շփման գծի ամբողջ երկայնքով կայուն օպերատիվ իրավիճակը պահպանվել է, սահմանային միջադեպեր չեն արձանագրվել:
ՀՀ ԱԱԾ-ից ստացված տեղեկատվության համաձայն՝ ԱԱԾ սահմանապահ զորքերի պատասխանատվության տակ գտնվող Գորիս-Կապան միջպետական ավտոճանապարհի Որոտան-Դավիթ Բեկ հատվածում ևս միջադեպեր չեն արձանագրվել:
ՀՀ զինված ուժերի և ԱԱԾ սահմանապահ զորքերի ստորաբաժանումները վերահսկում են սահմանային իրավիճակը սահմանագոտու ամբողջ երկայնքով և կատարում առաջադրված խնդիրները:
Հունվարի 21-ին 4-րդ զորամիավորման զորամասերից մեկի մարտական հերթապահության նախապատրաստական ավանում անցկացվել է ցուցադրական գործնական պարապմունք: Ստորաբաժանումների հրամանատարները և դիրքերի ավագները հրահանգավորել են մարտական հերթափոխի նախապատրաստվող անձնակազմին՝ հաշվի առնելով առաջադրված խնդիրների առանձնահատկությունները:
5-րդ զորամիավորումում անցկացվել է ենթակա զորամասերի ինժեներական ծառայությունների պետերի եռօրյա մասնագիտական հավաք-պարապմունք: Զորամիավորումում ինժեներական ծառայության պետ, փոխգնդապետ Ն. Հարությունյանի ղեկավարությամբ անցկացված հավաքների ընթացքում ստուգվել են սպաների մասնագիտական գիտելիքներն ու պատրաստվածությունը, քննարկվել են ինժեներական ապահովման խնդիրների կազմակերպման և կատարման ժամկետները:
