«Հայաստան» դաշինքի անդամ, «Իզմիրլյան» բժշկական կենտրոնի նախկին տնօրեն Արմեն Չարչյանը 15 միլիոն դրամ գրավի դիմաց ազատ է արձակվել: Երևան քաղաքի ընդհանուր իրավասության դատարանը բավարարել է «Հայաստան» դաշինքի պատգամավորի թեկնածու Արմեն Չարչյանի պաշտպանների միջնորդությունը՝ որպես խափանման միջոց ընտրելով գրավը և ստորագրություն երկրից չհեռանալու մասին:
Արմեն Չարչյանը վերցնելու է պատգամավորական մանդատը: Այս մասին հայտնեց Արմեն Չարչյանի պաշտպան Արամ Վարդևանյանը՝ Արմեն Չարչյանին գրավի դիմաց ազատ արձակելու դատարանի որոշումից հետո լրագրողների հետ զրույցում:
«Կարող եմ ասել, որ Արմեն Չարչյանը վերցնելու է պատգամավորական մանդատը»,- ասաց Վարդևանյանը։