Ինչպես հայտնում է ՀԺ-ն Ադրբեջանի պաշտպանության նախարարությունը հաղորդագրություն է տարածել այն մասին, որ Երասխի հատվածում այսօր առավոտյան տեղի ունեցած հրաձգության հետևանքով վիրավորվել է Ադրբեջանի ԶՈՒ 1 զինծառայող: Նշվում է, որ առաջին բուժօգնություն ստանալուց հետո նա տեղափոխվել է բուժհաստատություն:
Հիշեցնենք, ՀՀ ՊՆ պաշտոնական հաղորդագրության մեջ նշվում է, որ ադրբեջանական կողմը զինծառայողների շրջանում կորուստներ ունի: Հայկական կողմի տեղեկատվության համաձայն, հուլիսի 14-ի առավոտյան 10:30-ի սահմաններում միջադեպ է գրանցվել հայ-ադրբեջանական սահմանի Երասխի հատվածում: Ծավալված փոխհրաձգության հետևանքով մահացու հրազենային վիրավորում է ստացել ՀՀ ԶՈՒ զինծառայող:
