Ադրբեջանցի զինծառայողների կողմից միջազգային լրագրողին սպառնալու դեպքով քրգործ է հարուցվել
▲ Դեպի վեր
  • Երեվան 30°C
    25%
    30 կմ/ժ
  • Շիրակ 22°C
    49%
    17 կմ/ժ
  • Լոռի 18°C
    85%
    6 կմ/ժ
  • Տավուշ 19°C
    83%
    3 կմ/ժ
  • Արարատ 31°C
    31%
    8 կմ/ժ
  • Սյունիք 23°C
    68%
    8 կմ/ժ
  • Արմավիր 31°C
    25%
    30 կմ/ժ
  • Գեղարքունիք 14°C
    84%
    5 կմ/ժ
  • Արագածոտն 29°C
    25%
    30 կմ/ժ
  • Կոտայք 27°C
    47%
    20 կմ/ժ
  • Արցախ 21°C
    76%
    7 կմ/ժ
:
  • Եվրո = 385.6002
  • Ռուբլի = 4.39425
  • Դոլար = 388.782

Ադրբեջանցի զինծառայողների կողմից միջազգային լրագրողին սպառնալու դեպքով քրգործ է հարուցվել

Ադրբեջանցի զինծառայողների կողմից միջազգային լրագրողին սպառնալու դեպքով քրգործ է հարուցվել

Գլխավոր դատախազի խորհրդական Գոռ Աբրահամյանը Ֆեյսբուքի իր էջում գրել է․

«Հղում կատարելով ՀՀ մարդու իրավունքների պաշտպանի հայտարարությանը՝ այսօր լրատվամիջոցները տեղեկատվություն էին հրապարակել Գեղարքունիքի մարզի Վարդենիսի տարածաշրջանում Հայաստանի պետական սահմանից 2 կիլոմետր դեպի երկրի ներսն ընկած տարածքում իր մասնագիտական գործունեությունն իրականացնող միջազգային լրագրողի աշխատանքը խոչընդոտելու, զենքով նրան սպառնալու մասին։
 
Ըստ ՀՀ ՄԻՊ-ի և նրա հայտարարությունը հրապարակած ԶԼՄ-ների՝ դեպքը տեղի է ունեցել 2021 թ. հունիսի 15-ին, երբ միջազգային լրագրողը մեկ այլ լրագրողի հետ լուսաբանման և լրագրողական այլ աշխատանքներ իրականացրելիս է եղել ՀՀ համապատասխան տարածքում՝ ադրբեջանական զինծառայողներից 100 մետր հեռավորության վրա, վերջիններս ագրեսիվ պահվածք են ցուցաբերել, լիցքավորել իրենց զենքերը և պահել լրագրողների ուղղությամբ՝ սպառնալով կրակել։
 
Անկանխատեսելի հետևանքներից խուսափելու նպատակով միջազգային լրագրողը դադարեցրել է աշխատանքը։ Ըստ առկա տվյալների՝ միջազգային լրատվամիջոցի լրագրողներն ունեցել են մամուլի ներկայացուցչի՝ ադրբեջանական զինծառայողների համար տեսանելի տարբերանշան և պահպանել են լրագրողական աշխատանքի կանոնները:
 
Հրապարակումները ՀՀ Գեղարքունիքի մարզի դատախազությունից ուղարկվել են ՀՀ քննչական կոմիտեի Գեղարքունիքի մարզային քննչական վարչություն՝ քրեադատավարական կարգով նյութեր նախապատրաստելու և քրեական գործ հարուցելու նպատակով։
 
Արդյունքում ՀՀ ՔԿ Գեղարքունիքի մարզային քննչական վարչությունում ՀՀ քրեական օրենսգրքի 164-րդ հոդվածի 3-րդ մասի հատկանիշներով հարուցվել է քրեական գործ և ընդունվել վարույթ։
Նախաքննությամբ կպարզվեն հանցագործության բոլոր հանգամանքները»:
 

 

Թեմայի այլ նորություններ