Վերջին շրջանում «Պֆայզր» պատվասատնյութ արտադրող ընկերությունը պատրաստվում է պատվաստանյութի երրորդ դեղաչափ առաջարկել այն երկրների բնակիչներին, որտեղ կորոնավիրուսի դեմ պայքարում կիրառվում իր պատվաստանյութը: Ինչպես արդեն անդրադարձել ենք՝ «Պֆայզրը» նկատում է իր պատվաստանյութի արդյունավետության անկում և ձեռնարկում է միջոցներ մշակելու նոր դեղաչափ, որը մարդկանց լիարժեք կպաշտպանի քովիդի նոր շտամերից:
Շատ մասնագետներ կարծում են, որ «Պֆայզրի» այս հայտարարությունը կարող է որոշակի հետևանքներ ունենալ աշխարհում, քանի որ «Պֆայզրը» կորոնավիրուսային հիվանդության դեմ կիրառվող առաջատար պատվաստանյութերից է:
«Մոդեռնա» ընկերության համահիմնադիր Նուբար Աֆեյանի կարծիքով՝ երրորդ դեղաչափը կարող է ներարկվել 65 տարեկանից բարձր անձանց համար: Այս մասին Աֆեյանն ասաց ՀԺ հետ զրույցում՝ անդրադառնալով մեր այն հարցին, արդյոք քովիդի դեմ պատվաստանյութի երրորդ դեղաչափի կարիքն իսկապես կա, թե երկրորդ արդեն իսկ բավարար է:
«Այդ որոշումը պատվաստանյութ արտադրող ընկերությունների որոշումը չէ այլ կառավարությունների: Օրինակ, երրորդ դեղաչափը կարող է կիրառվել նաև քիմաթերապիա ընդունած անձանց շրջանում: Երրորդ դեղաչափն արդեն Իսրայելում կիրառում են, ես հույս ունեմ, որ աշնանը արդեն կսկսեն մյուսներն էլ կիրառել, բայց սա ուղղակի իմ կարծիքն է, ոչ թե հույսս»,- ասաց նա: Սակայն մյուս կողմից կիրառել երրորդ դեղաչափը առաջանում է այլ խնդիր՝ «Ներկա իրողության մեջ մեծ թվով չպատվաստված մարդիկ կան, նույն պատվաստանյութը, որ օգտագործվելու է երրորդ դեղաչափի համար, կարող է տրամադրվել այլ երկրներին, որպեսզի կարողանան պատվաստել իրենց բնակչությանը, առողջապահական տեսանկյունից դա շատ կարևոր է: Այդ որոշումը բարդ է, որովհետև ամեն երկիր իր օգուտն է առաջ տանում ու արդեն երկրորդական է դրվում աշխարհի պատվաստումը»,- ասաց նա: