2021 թվականի հուլիսի 28-ին ՀՀ քաղաքաշինության, տեխնիկական  և հրդեհային անվտանգության տեսչական մարմնի ղեկավար Գեղամ Շախբազյանի և Գեղարքունիքի մարզի դատախազ Ռաֆայել Երիցյանի  միջև տեղի է ունեցել աշխատանքային հանդիպում-քննարկում։

Հանդիպմանը մասնակցում էին ՔՏՀԱ տեսչական մարմնի Գեղարքունիքի տարածքային բաժնի պետ Կամո Եդոյանը, իրավական աջակցության և փաստաթղթաշրջանառության վարչության իրավաբանական բաժնի պետ Անուշ Հայրապետյանը, գեոդեզիայի և հողoգտագործման վերահսկողության վարչության պետ Նորայր  Դանիելյանը և Գեղարքունիքի մարզի դատախազի տեղակալ Վարդան Լազարյանը։

Հանդիպման ընթացքում քննարկվել են Գեղարքունիքի մարզի շարժական լցակայանների շահագործման օրինականության, դրանց՝ անձանց կյանքի, գույքի և շրջակա միջավայրի նկատմամբ ունեցած վտանգավորության բնույթի և աստիճանի վերաբերյալ մի շարք հարցեր։

Քննարկման ավարտին ձեռք է բերվել պայմանավորվածություն՝ շարժական լցակայանների դեմ պայքարում առավել սերտ համագործակցություն ապահովելու, դրանց պայթունից առաջացած հնարավոր բացասական հետևանքները կանխելու ուղղությամբ։