Ձեր ուշադրությանն ենք ներկայացնում օգոստոսի 7-ի ուշագրավ և կարևոր իրադարձությունների ամփոփ լրահոսը մեկ հոդվածով․
Կորոնավիրուս
- Օգոստոսի 7-ի, ժամը 11:00-ի դրությամբ Հայաստանում հաստատվել է 166 նոր դեպք և 452 առողջացած, մահվան դեպքերը 5-ն են։
- Ժամանակակից լուծումներով պայքար համաճարակի դեմ. «Զվարթնոցը» սպասում է իր ուղևորներին։
Արտակարգ դրություն
- ՀՀ բնապահպանության և ընդերքի տեսչական մարմինն այսօր իրականացրել է ստուգայց Երևան քաղաքի Արաբկիր վարչական շրջանի զբոսայգիներում։
- Հերթական մշտադիտարկումները և վերահսկողական գործառույթները Երևանի Կենտրոն և Մալաթիա-Սեբաստիա վարչական շրջաններում։
- ՀՀ շուկայի վերահսկողության տեսչական մարմնի աշխատակիցները մշտադիտարկում են իրականացրել Արարատի մարզի Մասիս քաղաքում ու մի շարք գյուղական համայնքներում։
- Շարունակվում են Կրթության տեսչական մարմնի ստուգայցերը, որոնք ուղղված են ՀՀ պարետի որոշումների կատարման ապահովմանը և սանիտարահիգիենիկ նորմերի պահպանմանը։
Զինված ուժեր
- Արայիկ Հարությունյանը պետական պագևներ է հանձնել ս.թ. հուլիսի 18-ին հակառակորդի ‹‹ORBITER-3›› տիպի անօդաչու թռչող սարքը խոցած զինծառայողներին։
- ՀՀ ԶՈՒ ԳՇ պետը հետևել է զորավարժության ընթացքին։
- Ազգային անվտանգության ռազմավարությունը․ Արցախի անվտանգության ապահովում:
Օրվա իրադարձությունները Հայաստանում
- Հիմնանորոգվում է Տիգրանաշենի ոլորաններից մինչև Զանգակատուն ճանապարհահատվածը. ՀՀ վարչապետ Նիկոլ Փաշինյանը տեսանյութ է հրապարակել «Կառուցենք Հայաստանը նորովի» շարքից։
- Հետախուզման մեջ գտնվող «Ալրաղացի Լյովիկը» տեղափոխվել է Հայաստան․ հայտնում են դատախազությունից։
- Մեղադրանք է առաջադրվել Արմավիրի մարզի 44-ամյա բնակչին՝ խոշոր չափերով գողություն կատարելու համար. քրեական գործն ուղարկվել է դատարան։
- ՀՀ ԱԱԾ սահմանապահ զորքերի կառավարման մարմնում տեղի է ունեցել սույն թվականի առաջին կիսամյակի ընթացքում սահմանապահ զորքերի մարտածառայողական և օպերատիվ-ծառայողական գործունեության արդյունքների ամփոփում։
- Թողնում եմ Արցախի զինված ուժերի Տեղեկատվության և հասարակայնության հետ կապերի բաժնի պետի պաշտոնը. հայտնել է Սենոր Հասրաթյանը։
- Նոր կազմավորվող պարեկային ծառայությունում պաշտոնի նշանակվելու ընդունելություն-մրցույթին մասնակցելու ցանկություն ունեցող քաղաքացիների և ոստիկանության ծառայողների դիմումների ընդունման և զեկուցագրերի ներկայացման ժամկետը երկարացվել է մինչև օգոստոսի 14-ը ներառյալ։
- Աշխարհահռչակ շախմատիստ Լևոն Արոնյանը ֆեյսբուքյան հուզիչ գրառումով ներկայացրել է իր սրտի նոր տիրուհուն։ Ես հարգում և հարգելու եմ կնոջս հիշատակը, սակայն հրեշտակներն ինձ ուղարկել են սիրելու և սիրվելու ևս մեկ հնարավորություն. հայտնել է Լևոն Արոնյանը։
- Հայկական Ժողովրդային Շարժումը տեղեկացրեց, որ օգոստոսի 7-ի, Հայկական նորագույն ազգային ազատագրական պայքարի նահատակների հիշատակի օրվա կապակցությամբ, Եռաբլուրում, Հայաստանի ազատագրության հայ գաղտնի բանակի՝ ԱՍԱԼԱ-ի, նահատակների հուշահամալիրում, հարգանքի տուրք են մատուցել Հայկական ժողովրդային շարժման ներկայացուցիչները և ազատագրական պայքարի նախկին քաղբանտարկյալները։
- ՀՀ նախագահ Արմեն Սարգսյանը Տավուշի մարզում է։
- «Հումանիտար ականազերծման և փորձագիտական կենտրոն»-ի Էջմիածնում տեղակայված ուսումնական կետրոնում մեկնարկել է Սիրիա մեկնող հերթական անձնակազմի վերապատրաստման դասընթացները։
Միջազգային
- Լիբանանի նախագահ Միշել Նաիմ Աունը չի բացառում արտաքին միջամտության շնորհիվ հրթիռի կամ ռումբի միջոցով պայթյունի իրականացումը:
- Հայաստանը 3 ինքնաթիռ օգնություն կուղարկի Լիբանան։
- Բեյրութի բնակչուհիներից մեկը ծննդաբերելիս է եղել, երբ որոտացել է պայթյունը՝ ցնցելով հիվանդանոցը․ մանրամասները՝ տեսանյութում։
- Բիլ Գեյթսը վստահ է, որ կլիմայական աղետը կարող է 5 անգամ ավելի շատ մարդկանց սպանել, քան կորոնավիրուսը։
- Հույն-եգիպտական պայմանագրից հետո Թուրքիան հայտարարել է Միջերկրականում զորավարժանքներ սկսելու մասին:
- Սերբիայի նախագահ Վուչիչի և Ադրբեջանի նախագահ Ալիևի հեռախոսազրույցի խայտառակ նենգափոխումը ադրբեջանական արարողակարգի կողմից:
Օրվա ուշագրավ և կարևոր իրադարձությունների ամփոփ լրահոսը մեկ հոդվածով կազմեց Անդրանիկ Ավետիսյանը