Կոտայքի մարզում կառուցվում ու վերակառուցվում է 15 մանկապարտեզ
▲ Դեպի վեր
  • Երեվան 8°C
    53%
    6 կմ/ժ
  • Շիրակ 5°C
    70%
    9 կմ/ժ
  • Լոռի 2°C
    63%
    10 կմ/ժ
  • Տավուշ 4°C
    64%
    15 կմ/ժ
  • Արարատ 9°C
    35%
    8 կմ/ժ
  • Սյունիք 8°C
    52%
    8 կմ/ժ
  • Արմավիր 9°C
    53%
    6 կմ/ժ
  • Գեղարքունիք -4°C
    76%
    7 կմ/ժ
  • Արագածոտն 7°C
    53%
    6 կմ/ժ
  • Կոտայք 5°C
    47%
    11 կմ/ժ
  • Արցախ 8°C
    62%
    5 կմ/ժ
:
  • Եվրո = 394.9005
  • Ռուբլի = 4.27657
  • Դոլար = 395.501

Կոտայքի մարզում կառուցվում ու վերակառուցվում է 15 մանկապարտեզ

Կոտայքի մարզում կառուցվում ու վերակառուցվում է 15 մանկապարտեզ

Կոտայքի մարզպետ Ռոմաոս Պետրոսյանը Ֆեյսբուքի էջով հայտնել է մարզում սուբվենցիոն ծրագրերով ընթացող շինարարությունների մաիսն.

«Կառավարության 2019-2020 թթ. սուբվենցիոն ծրագրերով Կոտայքի մարզում կառուցվում և վերակառուցվում է շուրջ 15 մանկապարտեզ:

Երևի թե կհիշեք՝ դեռ 2 տարի առաջ, երբ ստանձնեցի մարզպետի կարգավիճակը, մեզ՝ տարածքային կառավարման ինստիտուտի ներկայացուցիչներիս համար, որպես Կոտայքում առաջնահերթ բարեփոխում և կենսական կարևորության անհետաձգելի խնդիր, հռչակեցինք ամենակարճ ժամկետներում մարզի բացառապես բոլոր բնակավայրերի՝ նախադպրոցական կրթության հաստատություններով ապահովումը, որի համար, պետք էր, թերևս, առկա և պոտենցիալ ռեսուրսների ճիշտ գույքագրում, կարողությունների գնահատում և այդ տեսլականի կյանքի կոչմանն ուղղված կտրուկ և շրջադարձային մի շարք գործողությունների իրականացում:

Աշխատանքային այցերիս ընթացքում է’լ ավելի համոզվեցի, որ այն պնդումը, թե համայնքների բյուջեներում գումար չկա, որևէ աղերս չուներ իրականության հետ. և համայնքներում առկա այն ահռելի պոտենցիալը պարզապես պետք էր օգտագործել ոչ թե ի շահ անձնական կամ կլանային շրջանակների բարօրության, ինպես տասնամյակներով իրականացվել էր ցավոք, այլ ի շահ համայնքի և նրա յուրաքանչյուր բնակչի (քաղաքացու):

Եվ այսօր արդեն հպարտությամբ եմ արձանագրում, որ մեզ հաջողվել է մասնավորապես Կոտայքում տեղական ինքնակառավարման մարմինների հետ համակարգված փոխգործակցության արդյունքում արձանագրել այդքան ցանկալի արդյունքներ` ամենակարճ ժամկետներում:

Այդ համատեքստում հատկանշական է, որ միայն 2019-2020 թթ. ՀՀ կառավարության կողմից տրամադրված սուբվենցիաների այդյունքներով այս պահին մեր մարզում կառուցվում և վերակառուցվում է շուրջ 15 մանկապարտեզ:

Միայն 2019 թվականին Կոտայքի մարզում սուբվենցիոն ծրագրերի շրջանակներում մեկնարկեցինք միանգամից 10 մանկապարտեզի կառուցման և վերակառուցման ծրագրեր, որոնցից երեքը` Արամուս, Գեղաշեն, Վերին Պտղնի համայնքներում, կառուցվում են հիմքից (Արամուսի և Գեղաշենի մանկապարտեզների շին.աշխատանքներն ավարտին կհասցվեն արդեն այս տարվա ևս մեկական սուբվենցիոն ծրագրերի միջոցով):

Իսկ ահա, ՀՀ կառավարության 2020 թվականի արդեն հաստատված սուբվենցիոն ծրագրերով կրկին հիմքից նոր մանկապարտեզների շենքեր կկառուցվեն մարզի ևս հինգ համայնքում`

  • Ակունքի Նոր Գյուղ բնակավայրում.
  • Բալահովիտում.
  • Ջրվեժում.
  • Գառնիում և Քաղսիում կկառուցվեն գործող մանկապարտեզների նոր մասնաշենքեր:

Ջրվեժ համայնքի Զովք բնակավայրում կվերակառուցվի տասնամյակներով անգործության մատնված և կիսականգուն մանկապարտեզի շենքը, հիմքերը կամրացվեն և կապիտալ հիմնանորոգում կանցնի:

Բացի նշվածներից՝ 2020 թվականի սուբվենցիոն առանձին ծրագրերով կապիտալ վերանորոգման աշխատանքներ կիրականացվեն նաև Արգելի, Քանաքեռավանի և Արզնիի մանկապարտեզներում, ինչպես նաև կհիմնանորոգվի Նոր Գեղիի թիվ 3 մանկապարտեզի շենքը, կբարեկարգվի նաև Աղավնաձորի մանկապարտեզի տարածքը (Աղավնաձորում մանկապարտեզի կապիտալ նորոգման աշխատանքներ մեկնարկել էին դեռ 2019 թվականի սուբվենցիոն ծրագրի շրջանակներում),

Այս տարի Մայակովսկիում կիրականացվեն մանկապարտեզի 2-րդ մասնաշենքի, ճաշարանի և խոհանոցային հատվածների հիմնանորոգման աշխատանքները, ինչպես նաև ամբողջովին կբարեկարգվի բակային հատվածը:

Հիշեցնեմ, որ Մայակովսկի համայնքի մանկապարտեզի երկհարկանի մեկ մասնաշենքի հիմնանորոգման ծրագիրն իմ առաջարկությամբ ներառվել էր կառավարության 2018թ-ի առաջնահերթ լուծում պահանջող ծրագրերի ցանկում, և մասնաշենքը ՏԿԵՆ Տարածքային զարգացման հիմնադրամի պատվիրատվությամբ հիմնանորոգվել է անցյալ տարի:

Պետք է նշեմ, որ այս պահին ընթացքի մեջ են նաև 2019 թվականի սուբվենցիոն ծրագրերի շրջանակներում Ծաղկաձորի մանկապարտեզի բակային տարածքի կապիտալ բարեկարգման աշխատանքները, իսկ Եղվարդի թիվ 2 և Զորավանի մանկապարտեզները կապիտալ հիմնանորոգվել և ամբողջովին կահավորվել են նորագույն տեխնիկայով և գույքով:

Եվ վերջապես, այս պահին շարունակվում են Գողթի մանկապարտեզի երկհարկանի շինության կառուցման և Կապուտանի նոր մանկապարտեզի ներքին հարդարման աշխատանքները:

Ամփոփելով՝ պետք է փաստեմ, որ 2019-2020 թթ. արդյունքներով Կոտայքի մարզի հետևյալ համայնքներում և բնակավայրերում ՀՀ Կառավարության սուբվենցիոն և առաջնահերթ լուծում պահանջող ծրագրերի միջոցով 15 մանկապարտեզների կառուցման և վերակառուցման արդյունքում ավելի քան 1500 փոքրիկներ արդեն սեփական համայնքներում կհաճախեն նորակառույց, հիմնանորոգված և նորագույն լուծումներով հագեցած, լուսավոր ու բարեկարգ մանկապարտեզներ:

Եվ այսպես, լիովին նորակառույց մանկապարտեզներ կսկսեն գործել հետևյալ համայնքներում՝

  • Գեղաշեն
  • Արամուս
  • Վերին Պտղնի
  • Աղավնաձոր
  • Կապուտան
  • Գողթ
  • Ջրվեժ
  • Զովք
  • Նոր Գյուղ
  • Բալահովիտ:

Կապիտալ հիմնանորոգված մանկապարտեզներ կունենանք`

  • Եղվարդում (թիվ 2)
  • Զորավանում
  • Մայակովսկիում:

Գործող մանկապարտեզներին կից` նոր առանձին մասնաշենքեր կկառուցվեն

  • Գառնիում
  • Քաղսիում:

Հարկ եմ համարում նշել նաև, որ շուրջ 15 մանկապարտեզների կառուցման և վերակառուցման արդյունքում կստեղծվեն հավելյալ մոտ 200 նոր աշխատատեղեր` ՏԻՄ միջոցներով ապահովելու այդքան ընտանիքների կայուն եկամուտը:

Սիրելինե’րս,

Մեր բոլոր որոշումներն ու գործողություններն ուղղված են բացառապես մեր քաղաքացիների՝ արժանապատիվ ու բարեկեցիկ կյանքի իրավունքի, ինպես նաև մեր փոքրիկների կրթության անքակտելի իրավունքի իրացմանը մեր սիրելի Կոտայքում:

Կոտայքի մարզի որևէ բնակավայրում ոչ մի երեխա չպետք է զրկված լինի այդ կարևորագույն հնարավորությունից` երաշխավորված մեր պետության կողմից։

#ԷտալոնայինԿոտայք կերտելու ճանապարհին ենք:

Ի գո՛րծ»:


📌Կառավարության 2019-2020 թթ. սուբվենցիոն ծրագրերով Կոտայքի մարզում կառուցվում եւ վերակառուցվում են շուրջ 15...

Posted by Ռոմանոս Պետրոսյան Romanos Petrosyan on 2020 թ. հուլիսի 6, երկուշաբթի

Թեմայի այլ նորություններ