ՀՀ նախագահը և Չեխիայի դեսպանը քննարկել են Երևան-Պրահա ուղիղ չվերթերի վերականգնման հնարավորությունը
▲ Դեպի վեր
  • Երեվան -1°C
    93%
    6 կմ/ժ
  • Շիրակ -2°C
    86%
    0 կմ/ժ
  • Լոռի 4°C
    59%
    8 կմ/ժ
  • Տավուշ 8°C
    50%
    4 կմ/ժ
  • Արարատ 0°C
    74%
    6 կմ/ժ
  • Սյունիք 9°C
    53%
    8 կմ/ժ
  • Արմավիր 0°C
    93%
    6 կմ/ժ
  • Գեղարքունիք -1°C
    71%
    11 կմ/ժ
  • Արագածոտն -2°C
    93%
    6 կմ/ժ
  • Կոտայք -4°C
    91%
    5 կմ/ժ
  • Արցախ 7°C
    45%
    9 կմ/ժ
:
  • Եվրո = 430.5506
  • Ռուբլի = 5.70295
  • Դոլար = 396.128

ՀՀ նախագահը և Չեխիայի դեսպանը քննարկել են Երևան-Պրահա ուղիղ չվերթերի վերականգնման հնարավորությունը

ՀՀ նախագահը և Չեխիայի դեսպանը քննարկել են Երևան-Պրահա ուղիղ չվերթերի վերականգնման հնարավորությունը

Հանրապետության նախագահ Վահագն Խաչատուրյանին իր հավատարմագրերն է հանձնել Հայաստանում Չեխիայի Հանրապետության արտակարգ և լիազոր դեսպան Պետր Պիրունչիկը:

Շնորհավորելով նորանշանակ դեսպանին Հանրապետության նախագահն արդյունավետ աշխատանք է մաղթել դիվանագիտական առաքելության ընթացքում:

«Հունվարի 2-ին լրացավ Հայաստանի և Չեխիայի միջև դիվանագիտական հարաբերությունների հաստատման 30-ամյակը և այս առումով խորհրդանշական է նաև, որ Դուք Հայաստան ժամանեցիք հունվարի 2-ին, հավատացած եմ, որ նաև Ձեր ջանքերը կնպաստեն հայ-չեխական հարաբերությունների հետագա զարգացմանը»,- իր խոսքում ընդգծել է նախագահ Խաչատուրյանը:

Շնորհակալություն հայտնելով ընդունելության համար դեսպան Պիրունչիկը պատրաստակամություն է հայտնել իր աշխատանքով հնարավորինս նպաստել Հայաստանի և Չեխիայի միջև փոխգործակցությունը որակական նոր մակարդակի բարձրացնելու ուղղությամբ: Իր խոսքում նորանշանակ դեսպանը նախագահին է փոխանցել Չեխիայի նախագահ Միլոշ Զեմանի ողջույնները:

Հանդիպման ընթացքում քննարկվել են հայ-չեխական առևտրա-տնտեսական կապերի ակտիվացման և խորացման, բարձր տեխնոլոգիաների և ռազմարդյունաբերության, տուրիստական ոլորտներում համագործակցության հեռանկարներն ու Երևան-Պրագա ուղիղ չվերթների վերականգնման հնարավորությունը:

Զրույցի ընթացքում անդրադարձ է կատարվել փոխադարձ այցելությունների և բարձր մակարդակի քաղաքական շփումների կարևորությանը:

Հանդիպման ավարտին պայմանավորվածություն է ձեռք բերվել շարունակական դարձնել աշխատանքային շփումները՝ քննարկված համագործակցությունը կյանքի կոչելու նպատակով:

Թեմայի այլ նորություններ