ՀՖՖ նախագահ Արմեն Մելիքբեկյանը հանդիպել է հայ աշխարհահռչակ ֆուտբոլիստ Յուրի Ջորկաեֆի հետ: Այդ մասին հաղորդում է ՀՖՖ մամուլի ծառայությունը։
Ֆրանսիայի հավաքականի կազմում աշխարհի 1998 թ. և Եվրոպայի 2000 թ. չեմպիոն Յուրի Ջորկաեֆը հանդիսանում է ՖԻՖԱ-ի հիմնադրամի գործադիր տնօրենը: Հանդիմանը ներկա էր նաև Դենիս Ջորկաեֆը, ով ֆրանսիական Դեսին քաղաքի փոխքաղաքապետն է և ՀՖՖ նախագահի՝ միջազգային հարցերով խորհրդականը: Հանդիպման ընթացքում Արմեն Մելիքբեկյանը և Ջորկաեֆ եղբայրները քննարկել են ՀՖՖ-ի և ՖԻՖԱ-ի հիմնադրամի հետագա համագործակցության հետ կապված մի շարք հարցեր, զրուցել են հայկական ֆուտբոլի զարգացման հեռանկարների շուրջ:
ՀՖՖ նախագահ Արմեն Մելիքբեկյանը Յուրի Ջորկաեֆին նվիրել է Հայաստանի ազգային հավաքականի 6, իսկ Դենիս Ջորկաեֆֆին՝ 10 համարի անվանական մարզաշապիկներ:
