Հայկական կողմը սահմանազատման հարցում նախապայմաններ չունի. ԱԳՆ-ն արձագանքել է Ադրբեջանի արտգործնախարարի հայտարարությանը
▲ Դեպի վեր
  • Երեվան 21°C
    26%
    6 կմ/ժ
  • Շիրակ 15°C
    55%
    11 կմ/ժ
  • Լոռի 11°C
    65%
    11 կմ/ժ
  • Տավուշ 16°C
    56%
    13 կմ/ժ
  • Արարատ 22°C
    41%
    9 կմ/ժ
  • Սյունիք 17°C
    50%
    13 կմ/ժ
  • Արմավիր 22°C
    26%
    6 կմ/ժ
  • Գեղարքունիք 8°C
    57%
    10 կմ/ժ
  • Արագածոտն 20°C
    26%
    6 կմ/ժ
  • Կոտայք 18°C
    42%
    6 կմ/ժ
  • Արցախ 16°C
    54%
    13 կմ/ժ
:
  • Եվրո = 485.0951
  • Ռուբլի = 7.60395
  • Դոլար = 458

Հայկական կողմը սահմանազատման հարցում նախապայմաններ չունի. ԱԳՆ-ն արձագանքել է Ադրբեջանի արտգործնախարարի հայտարարությանը

Հայկական կողմը սահմանազատման հարցում նախապայմաններ չունի. ԱԳՆ-ն արձագանքել է Ադրբեջանի արտգործնախարարի հայտարարությանը

ՀՀ ԱԳՆ-ն արձագանքել է Ադրբեջանի արտգործնախարար Ջեյհուն Բայրամովի այն հայտարարությանը, թե Բաքվի համար անընդունելի են Երևանի նախապայմանները սահմանազատման գործընթացն սկսելու հարցում: 

ԱԳՆ մամուլի քարտուղար Վահան Հունանյանը «Լուրերի» հետ զրույցում տեղեկացրել է՝ հայկական կողմը սահմանազատման հարցում նախապայմաններ չունի. հայկական կողմի առաջարկները ոչ թե նախապայմանների, այլ ձեռք բերված պայմանավորվածությունները կյանքի կոչելու մասին են: 

«Նոյեմբերի 26-ին Սոչիում Հայաստանի Հանրապետության վարչապետի, Ռուսաստանի Դաշնության և Ադրբեջանի Հանրապետության նախագահների կողմից ընդունված եռակողմ հայտարարության մեջ նշված է, որ կողմերը պայմանավորվել են «քայլեր ձեռնարկել ադրբեջանա-հայկական սահմանին անվտանգության և կայունության մակարդակը բարձրացնելու ուղղությամբ և գործը տանել դեպի սահմանազատման և սահմանագծման երկկողմ հանձնաժողովի ձևավորում»:

Այս պայմանավորվածությունը վերահաստատվել և զորքերի հետքաշման գործընթաց սկսելու մասին պայմանավորվածություն է ձեռք բերվել դեկտեմբերի 14-ին Եվրոպական խորհրդի նախագահի միջնորդությամբ Հայաստանի և Ադրբեջանի ղեկավարների՝ Բրյուսելում տեղի ունեցած եռակողմ հանդիպման ընթացքում:

Ըստ այդմ, հայկական կողմի առաջարկները ոչ թե նախապայմանների, այլ ձեռք բերված պայմանավորվածությունները կյանքի կոչելու մասին են: Հայաստանի Հանրապետությունը կարծում է, որ օր առաջ պետք է սկսել սահմանազատման գործընթացը՝ համաձայն վերը նշված պայմանավորվածությունների»,- ընդգծել է ՀՀ ԱԳՆ մամուլի քարտուղարը:

Հիշեցնենք՝ ՀՀ արտգործնախարար Արարատ Միրզոյանը երեկ ԱԺ-Կառավարություն հարցուպատասխանի ժամանակ տեղեկացրել էր՝ հայկական կողմը Հայաստան-Ադրբեջան սահմանագոտում իրավիճակի դեէսկալացիային, լարվածության նվազմանը, անվտանգության և կայունության մակարդակի բարձրացմանն ուղղված մի շարք միջոցառումների փաթեթ է նախապատրաստել և փոխանցել ինչպես ռուսական կողմին, այնպես էլ, ռուսական կողմի միջնորդավորված կերպով, Ադրբեջանին: 

Թեմայի այլ նորություններ