«Ապագա հայկականը» շարժման նախաձեռնող, ամերիկահայ գիտնական և գործարար Նուբար Աֆեյանը մեկնարկած Հայաստանի գիտության և տեխնոլոգիաների հիմնադրամի (FAST) Գլոբալ ինովացիոն ֆորումում լրագրողների հետ զրույցում կարևորեց Հայաստան–Սփյուռք հարաբերությունների ամրապնդումը, փոխվստահությունը։
Նա նկատեց, որ ներկայումս Հայաստան-Սփյուռք կապերը թուլացած են, որովհետև տեղեկատվության պակաս կա։ «Հայերը տարբեր տեղ կասկածի մեջ են ապրում, և մենք ավելի հեռու ենք, Հայաստան–Սփյուռք կապերը զորացնելը պետք է կարևորել»,– ասաց նա։
Նուբար Աֆեյանը նշեց, որ Սփյուռքի ուժը ավելի դժվար է դարձնել առավել շոշափելի, անվերջ այդ ուղղությունը կարծես կարող է արդյունքի չհանգեցնել։ «Սփյուռքը մեկ անձ, մեկ կազմակերպություն չէ, դա էլ է խնդիր»,– ասաց նա։
ԱՄՆ– Հայաստան հարաբերությունների առնչությամբ Նուբար Աֆեյանը նկատեց, որ վերջին տարիներին իրենք Հայաստանը անբաժանելի գործընկեր էին համարում և սպասում էին, որ ռուսները շատ ավելի ակտիվորեն պաշտպանելու են, ինչը չեղավ։ «Ներկայումս մեզ ցեղասպանությամբ սպառնում են, դարձել են նույն հրեշները, ինչ հարյուր տարի առաջ էին»,– ասաց նա՝ անդրադառնալով Ադրբեջանի գործողություններին։