Հայաստանը պլանավորում է երկրորդ արբանյակն ուղարկել տիեզերք
▲ Դեպի վեր
  • Երեվան 0°C
    93%
    4 կմ/ժ
  • Շիրակ -2°C
    93%
    0 կմ/ժ
  • Լոռի 3°C
    94%
    7 կմ/ժ
  • Տավուշ 7°C
    96%
    7 կմ/ժ
  • Արարատ 1°C
    63%
    4 կմ/ժ
  • Սյունիք 7°C
    97%
    5 կմ/ժ
  • Արմավիր 1°C
    93%
    4 կմ/ժ
  • Գեղարքունիք 0°C
    92%
    8 կմ/ժ
  • Արագածոտն -1°C
    93%
    4 կմ/ժ
  • Կոտայք -3°C
    59%
    5 կմ/ժ
  • Արցախ 6°C
    97%
    5 կմ/ժ
:
  • Եվրո = 407.8803
  • Ռուբլի = 6.47503
  • Դոլար = 395.128

Հայաստանը պլանավորում է երկրորդ արբանյակն ուղարկել տիեզերք

Հայաստանը պլանավորում է երկրորդ արբանյակն ուղարկել տիեզերք

ARMSAT-1 հայկական առաջին արբանյակը թեստավորման արդյունքում դրական արդյունքներ է ցույց տվել, ամբողջությամբ պատրաստ է շահագործման. այժմ աշխատանքներ են տարվում կառավարման կենտրոնի կառուցման ուղղությամբ, որը հնարավորություն կտա արբանյակն ամբողջությամբ կառավարել Հայաստանից: Նոյեմբերի 18-ին կայացած ասուլիսի ժամանակ այս մասին ասաց ՀՀ բարձր տեխնոլոգիական արդյունաբերության նախարար Ռոբերտ Խաչատրյանը:

Նախարարը հիշեցրեց, որ մայիսի 25-ին ԱՄՆ-ից բաց է թողնվել հայկական առաջին արբանյակը: «Այս 6 ամիսների ընթացքում տեղի են ունեցել արբանյակի թեստավորման և կարգաբերման աշխատանքները, նաև այլ կազմակերպչական աշխատանքներ: Կարող ենք փաստել, որ այդ աշխատանքներն արդեն հաջողությամբ ավարտվել են: Արբանյակի բոլոր ենթահամակարգերը թեստավորվել են, ունենք դրական արդյունքներ: Արբանյակն ամբողջությամբ պատրաստ է շահագործման»,-ասաց նախարարը:

Մոտ ժամանակներս Հայաստան կայցելի աշխատանքային խումբ, որը կզբաղվի կառավարման կենտրոնի մոնտաժային աշխատանքներով: Սարքավորումների մեծ մասն արդեն ներկրվել է Հայաստան, համապատասխան մասնագետներն անցնում են վերապատրաստման աշխատանքներ:

«Կառավարման կենտրոնը մեզ հնարավորություն կտա արբանյակն ամբողջությամբ կառավարել Հայաստանից՝ մեր մասնագետների միջոցով: Այս ծրագրի հիմնական նպատակը Հայաստանում տիեզերական տեխնոլոգիաներին առնչվող կարողությունների զարգացումն էր: Գործընթացին մասնակցելու առումով բավականին մեծ հետաքրքրություն կա հայաստանյան ընկերությունների կողմից. 10-ից ավելի ընկերություններ մասնակցելու հետաքրքրություն են ցուցաբերել »,-ասաց Խաչատրյանը:

Նախարարը հավելեց՝ ցանկանում են Հայաստանում զարգացնել նաև արբանյակաշինությունը: Դրա զարգացումը Հայաստանի համար շատ նպաստավոր կլինի, զարկ կտա միաժամանակ մի քանի ոլորտի զարգացման: «Հայաստանում արդեն կային գործող ընկերություններ, որոնք ինչ-որ կերպ առնչվում էին տիեզերական տեխնոլոգիաներին, և այս նախագիծը հնարավորություն տվեց մեզ համար բացահայտել այդ ընկերությունների կարողությունները»,-ասաց Խաչատրյանը:

SATLANTIS ընկերության գլխավոր տնօրեն Խուան Թոմաս Հերնանին նշեց, որ Հայաստանը հնարավորություն ունի արբանյակն ամբողջությամբ կառավարել սեփական ուժերով: «Կառավարման կենտրոնը երկու կարևոր գործառույթ է իրականացում: Առաջինն այն է, որ կառավարման կենտրոնում տվյալները ներբեռնվում են, երկրորդն այն է, որ ամբողջ տվյալների բազան ներբեռնվում է, և այդ բազան կարող է գործածվել՝ հետագայում կիրառվելով նաև կառավարության կողմից»,-ասաց նա՝ սա շատ կարևոր առաջընթաց որակելով:

Բաց թողնված առաջին հայկական արբանյակից բացի Հայաստանը մտածում է նաև երկրորդ արբանյակ բաց թողնելու մասին, որը կարող է լինել հայկական արտադրության: Այս մասին նոյեմբերի 18-ին կայացած ասուլիսի ընթացքում ասաց ՀՀ բարձր տեխնոլոգիական արդյունաբերության փոխնախարար Ավետ Պողոսյանը՝ անդրադառնալով երկրում արբանյակաշինության զարգացման վերաբերյալ հարցին:

«Տիեզերական ծրագրերը բավականին երկարաժամկետ պլանավորման արդյունք են լինում: Առաջին արբանյակի արձակումը մեզ մոտ ստացվել է շատ աննախադեպ արագությամբ: Բայց այդ ընթացքում կուտակված պոտենցիալը և ձեռքբերումները մեզ թույլ են տալիս խոսել այն մասին, որ մենք շատ արագ կանցնենք արդեն պետական երկրորդ արբանյակի կազմակերպման, նախագծման աշխատանքներին: Այն առաջին արբանյակից էականորեն կտարբերվի ոչ միայն իր տեխնիկական հատկություններով, այլ նաև այն բանով, որ և նախագծման, և ամենայն հավանականությամբ, ինտեգրացիայի զգալի մասը կարվի Հայաստանում: Այն ոչ միայն կլինի երկրորդ հայկական արբանյակը, այլ նաև կլինի հայկական արտադրության առաջին արբանյակը»,-ասաց Պողոսյանը՝ հավելելով, որ դա է նպատակը:

Նախարար Ռոբերտ Խաչատրյանն էլ նշեց, որ Հայաստանում SATLANTIS ընկերության գրանցումն արդեն նախանշած քայլերից մեկն էր արբանյակաշինության զարգացման ուղղությամբ:

Միևնույն ժամանակ փոխնախարարը վստահեցրեց, որ Հայաստանի Հանրապետության տիեզերական ծրագրերը կրում են բացառապես խաղաղ բնույթ, և արբանյակից ստացված տվյալներն օգտագործվում են բացառապես խաղաղ նպատակներով, այդ թվում՝ անվտանգային նպատակներով մոնիթորինգ իրականացնելու համար:

Ասուլիսի շրջանակում ներկայացվեցին նաև երկրագնդի տարբեր կետերից արված լուսանկարներ, օրինակ՝ Հայաստանի արևելյան սահմանագծին մոտ գտնվող պատկեր, որն արվել է սեպտեմբերի 14-ին:

Հայաստանում կառուցվելիք արբանյակի կառավարման կենտրոնը հնարավորություն կտա երկրին կառավարումն ամբողջությամբ իրականացնել ինքնուրույն, ստացված տվյալները կօգտագործվեն տարբեր ոլորտներում ՝այդ թվում գյուղատնտեսությունում:

Այս մասին ասաց ՀՀ բարձր տեխնոլոգիական արդյունաբերության նախարար Ռոբերտ Խաչատրյանը՝ ARMSAT_1 հայկական առաջին արբանյակի աշխատանքների վերաբերյալ ասուլիսում:

Նախարարի խոսքով՝ կառավարման կենտրոնի կազմակերպչական աշխատանքները վերջնական փուլում են, շուտով կժամանեն մասնագետները, որոնք կիրականացնեն մոնտաժային աշխատանքները: Ինչ վերաբերում է աշխատակիցներին, ապա որոշ մարդիկ ներգրավված են վերապատրաստման աշխատանքներում, նրանք պրակտիկ գիտելիքներ են ստանում, թե ինչպես կառավարել արբանյակը:

«Այն պահից, երբ մենք վստահ լինենք, որ ամբողջությամբ կարող ենք ինքնուրույն կառավել, կառավարումն ամբողջությամբ կանցնի մեզ: Տվյալները, որոնք ստացվել են թե փորձարկումների ժամանակ, թե այն տվյալները, որոնք կստացվեն կանոնավոր կերպով, ՀՀ սեփականությունն են: Այլ երկիր կամ այլ ընկերություն որևէ իրավունք չունի դրանց նկատմամբ»,-ասաց Խաչատրյանը:

SATLANTIS ընկերության գլխավոր տնօրեն Խուան Թոմաս Հերնանին հետաքրքիր համեմատություն արեց: «Հայաստանը, եթե համեմատելու լինենք, ոչ թե թանկարժեք Մերսեդես է գնել, այլ ստեղծել է գործարան, որը կարտադրի այդ թանկարժեք Մերսեդեսը»,-նշեց նա:

SATLANTIS ընկերության հայաստանյան նախագծերի կառավարող Խավիեր Օջանգուրեն էլ ընդգծեց, որ համակարգչային ծրագիրը, որը կգործարկվի, ամբողջությամբ կվերահսկի արբանյակը: 7 տարբեր ենթակահամակարգեր կլինեն: Դրանց շնորհիվ հնարավոր կլինի ձեռք բերել տարբեր տվյալներ: Օջանգուրեն շատ կարևորեց նաև ահազանգերի համակարգը, որը կտեղեկացնի, եթե ինչ-որ բան գործառույթներում այն չլինի:

«Բոլոր այն պատկերները, տվյալները, որ ստացվում են արբանյակից, մշակվում են, արդյունքում ստանում ենք 4 սպեկտորային պատկերներ՝ կարմիր, կապույտ, կանաչ և ինֆրակարմիր ճառագայթներին մոտ գույն: Տվյալները կարող են գործածվել տարբեր ոլորտներում, օրինակ՝ գյուղատնտեսության ոլորտում: Ուսումնասիրվող տարածքները վերաբերում են երկրագնդի ամբողջ տարածքին: Հատկապես նկատի ունենք այն տարածքները, որոնք Հայաստանի համար հետաքրքրություն են ներկայացնում»,-ասաց նա:

Անդրադառնալով դիտարկմանը, որ արբանյակի բացթողնման մասին հայտնի դառնալիս նշվել էր, որ այն կունենա նաև ռազմական նշանակություն, ոչ միայն գյուղատնտեսական՝ նախարար Խաչատրյանը վստահեցրեց, որ այն, ինչ հայտարարվել է, ուժի մեջ է, պլանների մեջ ոչինչ չի փոխվել: Արդեն որոշակի տվյալներ, նկարներ ստացվում են: Ամեն մեկն իր կիրառումը կգտնի:

Հայաստանն արբանյակից ստացված տվյալներն օգտագործվում է բացառապես խաղաղ նպատակներով՝ այդ թվում անվտանգային նպատակով մոնիթորինգ իրականացնելու համար:

Թեմայի այլ նորություններ