Գեղարքունիքի մարզպետ Կարեն Սարգսյանի խոսքով՝ ԵՄ դիտորդների առկայությունը նվազեցնում է սահմանային կրակոցները: Վերջինս, սակայն, նշեց, որ տեղյակ չէ, թե խումբը երբ է գալու Հայաստան:
Այս մասին նա ասաց այսօր Կառավարության նիստից հետո լրագրողների հետ զրույցում:
Հարցին՝ տեղյա՞կ է եղել, թե ինչ պայմաններում են գտնվել հունվարի 19-ին Ազատ գյուղի զորամասի ինժեներասակրավորային վաշտի զինվորները, մարզպետն ասաց. «Ես տեղյակ եղել եմ, թե որտեղ է եղել մեր զինվորների կացարանը»:
Սարգսյանը գնահատական չտվեց զինվորների կեցության վայրի պայմաններին՝ ասելով.
«Ինձ թվում է՝ իրենց տեղակայման մասով պաշտպանության նախարարությունն ունեցել է իր գնահատականը, որ այդտեղ տեղակայել է: Իմ ծառայության ժամանակ պայմաններն այնպես չէ, որ լավն են եղել»: