Եղիշե Թադևոսյանի հայրական տան պատը՝ տեղական նշանակության նորահայտ հուշարձան
1921 թ. նկարիչն ավարտում է դեռևս 1890 թ. սկսած, ապա մի կողմ թողած «Մեր փողոցը Վաղարշապատում» կտավը:
Հարթ տանիքներով կավաշեն միահարկ շինություններով, մեկընդմեջ խուլ պատերով ու մուգ կանաչ սաղարթախիտ ծառերով եզերված հին Էջմիածնի տիպական նիստուկացով նեղլիկ փողոցում նկարիչը պատկերել է հայրական տան պատն ու փայտե դռան շեմին նստած ճերմակ մորուքով ու ավանդական հագուկապով մի ծերունու (նկարչի պապը):
Մինչ օրս Ռոմանոս Մելիքյան փողոցում պահպանվել է Թադևոսյանի հայրական տան՝ կտավում պատկերված պատի հատվածը, որին այսօր արդեն տրվել է տեղական նշանակության նորահայտ հուշարձանի կարգավիճակ:
Եղիշե Թադևոսյան, 1870 - 1936
Մեր փողոցը Վաղարշապատում, 1921
Լուսանկարները՝ Էջմիածնի Պատմաազգագրական թանգարանի արխիվից