Արմատներով Զովունի գյուղից ռազմական գործիչ Ջիվան Զավենի Աբրահամյանը ծնվել է 1961 թվականի հուլիսի 6-ին Երևանում, հանդիսացել է ՀՀ Ազգային Բանակի կազմակերպիչներից, 1996 թվականին հետմահու պարգևատրվել է Հայաստանի ազգային հերոս կոչումով։ Թիվ 111 դպրոցը, որում նա սովորել է այժմ կրում է իր անունը։ Բանակում ծառայության ընթացքում մասնակցել Է աֆղանական պատերազմին, ինչի համար պարգևատրվել է «Խիզախության համար» մեդալով: Ջիվան Աբրահամյանը եղել է հատուկ գնդի առաջին վաշտի հրամանատար, գործուն մասնակցություն է ունեցել Արարատի, Կապանի, Վարդենիսի, Սիսիանի, Գորիսի, Նոյեմբերյանի, Վայքի, Տավուշի և ԼՂՀ Շահումյանի շրջանի ինքնապաշտպանական և ազատագրական մարտերին։ Աչքի է ընկել Շահումյանի շրջանի Էրքեջ, Բուզլուխ, Մանաշիդ, Վերինշեն գյուղերի ինքնապաշտպանության ժամանակ։ Զոհվել է 1991 թվականի հուլիսի 20-ին Շահումյանի շրջանի Վերինշեն ավանի պաշտպանության ժամանակ։ Հետմահու պարգևատրվել է ՀՀ «Հայրենիք» շքանշանով։ Թաղված է Եռաբլուրում։