ՀՀ ԿԳՄՍ նախարար Արայիկ Հարությունյանն այսօր այցելել է Արարատի մարզի Գետազատ, Նոր Կյանք և Դվին համայնքներ, որտեղ ընթացքի մեջ են նախակրթարանների կառուցման շինաշխատանքները: Այս մասին Ֆեյսբուքի իր էջում տեղեկացրել է նախարարն, ու նշել, որ սեպտեմների 1-ին Արարատի մարզում 5 նոր նախակրթարան կբացվի:
«Այսօր այցելել եմ Արարատի մարզի Գետազատ, Նոր Կյանք և Դվին համայնքներ, ուր այս տարվա սեպտեմբերի մեկին կբացվեն նոր նախակրթարաններ: Աշխատանքներն ընթանում են ամբողջ թափով և սահմանված ժամանակացույցով:
Սրանով զգալի կթեթևանա նախադպրոցական ուսումնական հաստատությունների հերթերը: Արարատի մարզում սեպտեմբերին շահագործման կհանձնվեն նոր նախակրթարաններ նաև Արարատ և Նարեկ համայնքներում»,-ասված է նախարարի գրառման մեջ:
Աղբյուր՝ Հայկական Ժամանակ