Ամենայն Հայոց Կաթողիկոսն ընդունել է ՌԴ Մուրմանսկի նահանգապետին
▲ Դեպի վեր
  • Երեվան 26°C
    26%
    7 կմ/ժ
  • Շիրակ 21°C
    46%
    7 կմ/ժ
  • Լոռի 22°C
    51%
    5 կմ/ժ
  • Տավուշ 26°C
    55%
    7 կմ/ժ
  • Արարատ 27°C
    32%
    13 կմ/ժ
  • Սյունիք 26°C
    47%
    9 կմ/ժ
  • Արմավիր 27°C
    26%
    7 կմ/ժ
  • Գեղարքունիք 19°C
    46%
    6 կմ/ժ
  • Արագածոտն 25°C
    26%
    7 կմ/ժ
  • Կոտայք 23°C
    37%
    13 կմ/ժ
  • Արցախ 26°C
    53%
    10 կմ/ժ
:
  • Եվրո = 384.1006
  • Ռուբլի = 4.82794
  • Դոլար = 386.523

Ամենայն Հայոց Կաթողիկոսն ընդունել է ՌԴ Մուրմանսկի նահանգապետին

Ամենայն Հայոց Կաթողիկոսն ընդունել է ՌԴ Մուրմանսկի նահանգապետին

Մարտի 24-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունել է Ռուսաստանի Դաշնության Մուրմանսկի նահանգապետ Անդրեյ Չիբիսի գլխավորած պատվիրակությանը։

Զրույցի ընթացքում Նորին Սրբությունը գոհունակությամբ արձանագրել է, որ երկու ժողովուրդների եղբայրական հարաբերություններն ունեն դարավոր պատմություն, և նմանօրինակ այցելությունները նպաստում են երկու երկրների բարեկամական կապերի և գործակցության առավել զորացմանը։ Հայոց Հայրապետն ընդգծել է, որ բարեկամ ժողովուրդները դարերի ընթացքում կողք կողքի, միասնաբար կարողացել են դիմակայել և հաղթահարել բազում փորձություններ ու դժվարություններ։

Հանդիպմանը Նորին Սրբությունն անդրադարձ է կատարել նաև Հայաստանյայց Առաքելական և Ռուս Ուղղափառ եկեղեցիների միջև առկա ջերմ հարաբերություններին և արդյունավետ փոխգործակցությանը՝ երախտագիտությամբ արձանագրելով այն ջանքերը, որ Մոսկվայի և Համայն Ռուսիո Կիրիլ Պատրիարքի կողմից վերջին տարիներին ներդրվել են ղարաբաղյան հակամարտության խաղաղ կարգավորման և հայկական հոգևոր ժառանգության անխաթար պահպանման ուղղությամբ։

Իր հերթին Մուրմանսկի նահանգապետ Անդրեյ Չիբիսը, կարևորելով հայ-ռուսական հարաբերությունների էլ ավելի խորացումն ու զարգացումը, իր շնորհակալությունն է հայտնել Նորին Սրբությանը երկու ժողովուրդների բարեկամական կապերի ամրապնդման գործում Հայոց Եկեղեցու կարևոր  ներդրումի համար։ Նահանգապետը Ամենայն Հայոց Կաթողիկոսին ներկայացրել է նաև Մուրմանսկի մարզը և վերջինիս ձեռքբերումները տարբեր ոլորտներում՝ կարևորելով տեղի հայ համայնքի ակտիվ դերակատարությունը:

Հանդիպմանն անդրադարձ է կատարվել երկու երկրների առջև ծառացած ներկայիս մարտահրավերներին և առկա մտահոգություններին։

Թեմայի այլ նորություններ