ՀՀ վարչապետ Նիկոլ Փաշինյանն ու նրա կողմակիցները երթը ավարտեցին Գարեգին Նժդեհի հրապարակում։ Նա նույնը խորհուրդ տվեց ընդդիմությանը։
«Այսօրվա մեր առաքելությունն իրականացրինք, արձանագրեցինք ժողովրդի դիրքորոշումը։ Քաղաքական ուժերի մեր գործընկերներին հրավիրում ենք քննարկումների: Մենք այս պահին դադարեցնում ենք մեր ակցիաները` մինչև նոր որոշում կլինի»,–ասաց Փաշինյանը։ Նա նաեւ հայտնեց, որ այժմ գնում է կառավարություն` մի քանի նիստեր ու խորհրդակցություններ անելու և որոշումներ կայացնելու։ Վարչապետը ևս մեկ անգամ շեշտեց, որ այս պահին միակ որոշումն այն է, որ պետք է վերջ դրվի թավիշին և նստեց մեքենան և հեռացավ։ Րոպեներ առաջ վարչապետը նաեւ ֆեյսբուքյան գրառում արեց եւ հիշեցրեց իր ելույթի վերջին խոսքը՝ վերջ թավիշին։ «Սիրելի հայրենակիցներ. մեր այսօրվա ակցիան ավարտված է: Շնորհակալություն մասնակցության համար: Նախորդ ուղիղ եթերի վերջում կարճ ելույթ եմ ունեցել, որտեղ ասել եմ եզրափակիչ ասելիքը: Վերջ թավիշին»։