Դատախազությունը «Իզմիրլյան» բժշկական կենտրոնի տնօրեն Արմեն Չարչյանի մասնակցությամբ ձայնագրությունն ուղարկել է Հատուկ քննչական կոմիտե։
Գլխավոր դատախազի խորհրդական Գոռ Աբրահամյանը «Հայկական Ժամանակին» փոխանցեց՝ «Գործին արդեն ընթացք է տրվել։ Հատուկ քննչական կոմիտեին հանձնարարվել է քրեական դատավարության օրենսգրքի 180-181-րդ հոդվածներով սահմանված կարգով նյութեր նախապատրաստել այս դեպքի վերաբերյալ»։
Այսօր փաստերի ստուգման հարթակը հրապարակել է ձայնագրություն, որտեղ «Իզմիրլյան» բժշկական կենտրոնի տնօրեն Արմեն Չարչյանը հունիսի 18-ի առավոտյան աշխատակիցների հետ հանդիպմանը սպառնալիքներ է հնչեցրել՝ պարտադրելով մասնակցել ընտրություններին։ Չարչյանը նշել է, որ ինքը «Հայաստան» դաշինքի թեկնածու է և եթե որևէ մեկը չմասնակցի ընտրություններին, ապա նա կիմանա այդ մասին։