ՀՀ և ՌԴ գլխավոր դատախազները քննարկել են էքստրադիցիայի ոլորտներում գործակցության հարցեր
▲ Դեպի վեր
  • Երեվան -17°C
    85%
    3 կմ/ժ
  • Շիրակ -24°C
    77%
    2 կմ/ժ
  • Լոռի -24°C
    77%
    2 կմ/ժ
  • Տավուշ -3°C
    70%
    14 կմ/ժ
  • Արարատ -17°C
    85%
    3 կմ/ժ
  • Սյունիք -1°C
    65%
    7 կմ/ժ
  • Արմավիր -17°C
    85%
    1 կմ/ժ
  • Գեղարքունիք -17°C
    85%
    10 կմ/ժ
  • Արագածոտն -17°C
    85%
    3 կմ/ժ
  • Կոտայք -17°C
    85%
    4 կմ/ժ
  • Արցախ -2°C
    74%
    2 կմ/ժ
:
  • Եվրո = 630.9905
  • Ռուբլի = 6.88598
  • Դոլար = 518.444

ՀՀ և ՌԴ գլխավոր դատախազները քննարկել են էքստրադիցիայի ոլորտներում գործակցության հարցեր

ՀՀ և ՌԴ գլխավոր դատախազները քննարկել են էքստրադիցիայի ոլորտներում գործակցության հարցեր

Աշխատանքային այցով ՌԴ-ում գտնվող ՀՀ գլխավոր դատախազ Արթուր Դավթյանը հանդիպել է ՌԴ գլխավոր դատախազ Իգոր Կրասնովին: Այս մասին հայտնեցին ՀՀ գլխավոր դատախազության հանրային կապերի բաժնից:

ՀՀ և ՌԴ գլխավոր դատախազները երկուստեք գոհունակություն են հայտնել  իրենց ղեկավարած կառույցների միջև առկա համագործակցության բարձր մակարդակի կապակցությամբ և պատրաստակամություն հայտնել դրանք առավել խորացնել՝ երկու պետությունների միջև ռազմավարական դաշնակցության, բարեկամության ոգուն համապատասխան: 

Նշվել է, որ գործող իրավապայմանագրային բազան ստեղծում է անհրաժեշտ պայմաններ՝ միմյանց երկրներում իրենց քաղաքացիների իրավունքների պաշտպանության, միջազգային հանցավորության դեմ համատեղ պայքարի արդյունավետությունն բարձրացնելու համար:  

Գլխավոր դատախազները քննարկել են իրավական փոխօգնության, էքստրադիցիայի ոլորտներում գործակցության, ինչպես նաև փոխադարձ հետաքրքրություն ներկայացնող հարցերի լայն շրջանակ: Արթուր Դավթյանը քննարկման ընթացքում նշել է Ադրբեջանի Հանրապետության իրավասու մարմինների կողմից հարուցված անհիմն քրեական հետապնդումների հիման վրա ՀՀ նախկին և ներկա պաշտոնատար անձանց նկատմամբ ԱՊՀ տարածքում ապօրինի հետախուզումների հնարավորության բացառման մասին:     

Անդրադարձ է կատարվել Արցախի Հանրապետությունում ՌԴ խաղաղապահ առաքելության շրջանակներում Արցախում ծառայողական պարտականություններ կատարող ՌԴ դատախազության աշխատակիցների գործունեությանը, ՀՀ և ԱՀ դատախազությունների, իրավապահ մարմինների հետ նրանց գործակցության կառուցակարգերին: ՀՀ գլխավոր դատախազը շեշտել է, որ թեև Արցախի պաշտպանության բանակը շարունակում է արցախահայության անվտանգության ապահովման իր գործառույթները, սակայն ռուսական խաղաղապահ ուժերի տեղակայումը էապես մեծացրել է անվտանգության երաշխիքները, հիմքեր ստեղծել շփման գծում կայունության ամրապնդման համար:

Հանդիպման արդյունքներով Արթուր Դավթյանը և Իգոր Կրասնովը ստորագրել են ՀՀ և ՌԴ դատախազությունների միջև 2021-2022թթ. համագործակցության ծրագիրը, որով նախատեսվում են փորձի փոխանակմանն ուղղված համատեղ աշխատանքներ դատախազական հսկողության  մի շարք ոլորտներում:

Իգոր Կրասնովի կողմից օրինականության ամրապնդման և միջազգային համագործակցության ոլորտում նշանակալի ավանդ ներդնելու համար ՀՀ գլխավոր դատախազ Արթուր Դավթյանը պարգևատրվել է ՌԴ գլխավոր դատախազի պատվոգրով:

Թեմայի այլ նորություններ