«Ադրբեջանում քաղբանտարկյալների խնդիրը, որը ներկայացվել է Ասամբլեայի 2020 թ. հունվարյան բանաձևում, «իշխանությունները ոչ ճանաչել են, ոչ պատշաճ կերպով արձագանքել, ոչ էլ առավել ևս լուծել: Ադրբեջանի իշխանությունները չեն կատարել բանաձևի դրույթների մեծ մասը»: Այս մասին նշվում է ԵԽԽՎ իսլանդացի պատգամավոր Սուննա Էվարսդոտտիրի զեկույցում, որն արժանացել է Վեհաժողովի Իրավական հարցերի հանձնաժողովի հավանությանը:
Իսլանդացի պատգամավորը նշել է նաև, որ միակ բացառությունը Իլգար Մամեդովի և Ռասուլ Ջաֆարովի մեղադրական դատավճիռների չեղյալ համարելն էր, այն էլ՝ չափազանց ուշացած:
Իրավաբանական հարցերի հանձնաժողովը տարածել է հայտարարություն, որում իր հիասթափությունն է հայտնել Բաքվի գործելաոճի հանդեպ:Ադրբեջանի պատվիրակությունը, փաստորեն, հրաժարվել է գործակցությունը ԵԽԽՎ-ի համազեկուցողների հետ, այդ հանրապետության իշխանություններն էլ շարունակում են անտեսել ՄԻԵԴ-ի պարտադիր վճիռները:
