«Arab News»-ի փոխանցմամբ՝ տարածաշրջանից լուրեր են ստացվում, որ Ղարաբաղում մարտերին ադրբեջանական կողմում Սիրիայից մի քանի հարյուր վարձկան են մասնակցում։ Կայքի աղբյուրները հաստատում են, որ որոշ վարձկան մարտիկներ են ներգրավվել Անկարայի կողմից լիբանանյան ճակատից։

Սիրիայի տարածքում Թուրքիայի դաշնակից «Սիրիական ազգային բանակից» հաղորդագրություններ էին ստացվում, որ մինչև 1000 մարտիկներ ցանկություն են հայտնել մասնակցել մարտերին Ղարաբաղում։ Թուրք լրագրող Հիքմեթ Դուրգուն նշել է, որ սիրիացի վարձկանները հավաքագրվել են թուրքական հետախուզության միջնորդությամբ ՝ ամսական 2000 դոլար աշխատավարձի և հետագայում Թուրքիայի քաղաքացիություն ստանալու խոստումով: Ըստ տեղեկությունների ՝ վարձկանները թուրքական ռազմական տրանսպորտային ինքնաթիռներով հասցվել են Գյանջա և Բաքու՝ օգտագործելով Վրաստանի օդային տարածքը: