Լոնդոնում մի խումբ ակտիվիստներ գրոհել են Ադրբեջանի դեսպանատան շենքը և ճակատից հեռացրել դրոշը: Ութ մարդ ձերբակալվել է՝ հայտնում է Metro-ն։
Սոցիալական ցանցերում տարածվող կադրերում երևում է, որ մի խումբ տղամարդիկ դրոշներ են ծածանում դեսպանատան պատշգամբից:
Խմբավորման անդամները ներխուժել են դեսպանության շենք` ճանապարհին կրակի ու սրի բաժին դարձնելով ամեն ինչ: Պատի վրա արաբերեն կարգախոսներ են փակցվել, իսկ Ադրբեջանի դրոշը իջեցվել է։ Ադրբեջանցի դիվանագետները փրկվել են միայն բրիտանական ոստիկանության միջամտության շնորհիվ։
Անհասկանալի է, թե որն է եղել բողոքի ակցիայի պատճառը, սսակայն այն ղեկավարել է «Մահդիի ծառաների միություն» կոչվող խումբը:
Սա Լոնդոնում գործող շիա մահմեդական կազմակերպություն է, որը ցանկանում է «քաղաքակրթական գերակայություն» հաստատել՝ ինչպես ասվում է խմբավորման կայքում:
Կազմակերպության անդամները որպես պատճառ վկայակոչել են Ադրբեջանի կառավարության կողմից հալածանքները երկրում որոշ շիա մահմեդականների նկատմամբ:
Հայտարարության մեջ խմբավորումը նշել է, որ իրենց առաջնորդը հրահանգել է «հրատապ գործողություններ ձեռնարկել» Ադրբեջանի նախագահ Իլհամ Ալիևի դեմ։
Յասեր Ալ-Հաբիբը, որը Մեծ Բրիտանիայում ապաստան է ստացել իր հայրենի Քուվեյթի իշխանությունների հետ կոնֆլիկտի մեջ մտնելուց հետո, Բուքինգհեմշիրում մզկիթ է ղեկավարում:
Յասեր ալ-Հաբիբը, հակասական հոգեւորական է, ում «Երկնային տիկինը» ֆիլմը հանվել էր բրիտանական կինոթատրոններից այս տարվա սկզբին՝ որոշ սուննի մահմեդականների բողոքի ցույցերից հետո, որոնք վիրավորված էին իսլամի պատմության նրա մեկնաբանումից։