Ռուսաստանը ՀԱՊԿ անդամ երկրներին կմատակարարի կորոնավիրուսի դեմ ՌԴ-ում արտադրված «Սպուտնիկ V» պատվաստանյութը: Այդ մասին այսօր ՀԱՊԿ խորհրդի նիստում հայտարարեց ՌԴ նախագահը:
«ՀԱՊԿ անդամ պետությունները սերտ փոխգործակցություն են հաստատել վարակի դեմ պայքարում։ Ռուսաստանը ՀԱՊԿ երկրներին բժշկական սարքավորումներ, տեխնիկա, թեստային համակարգեր է մատակարարել։ Ներկայում մշակվում են ՀԱՊԿ անդամ երկրներին ռուսական «Սպուտնիկ V» պատվասատանյութ մատակարարելու հարցերը»,- ասաց Պուտինը՝ հավելելով, որ քննարկվում է նաեւ ՀԱՊԿ գործընկերների հետ պատվաստանյութի համատեղ արտադրության հարցը։
ՀԱՊԿ-ին անդամակցում են Ռուսաստանը, Հայաստանը, Բելառուսը, Ղազախստանը, Ղրղըզստանը եւ Տաջիկստանը:
