Մինչև այս տարվա աշնան սկիզբ կամ այս տարվա աշնան վերջ Հայաստան կներկրվի «Ջոհնսոն և Ջոհնսոն» պատվաստանյութի առաջին խմբաքանակը մեկ դեղաչափի չափով: Նախատեսվում է, որ նույն ժամանակաշրջանում կներկրվի նաև «Նովովակս» պատվաստանյութը:

Այս մասին այսօր Կառավարության նիստից հետո լրագրողների հետ զրույցում ասաց Առողջապահության նախարարի պաշտոնակատար Անահիտ Ավանեսյանը:

«Մեզ մոտ արդեն օգտագործվում է երեք պատվաստանյութ, պատվաստվել է 70 հազար մարդ: Կանխատեսում ենք, որ արձակուրդներից հետո, մինչև ուսումնական տարվա մեկնարկը գնալ պատվաստումների, պատվաստումների որևէ մտահոգիչ դեպք չենք ունեցել»,- ասաց Ավանեսյանը:

Հայաստանում պատվաստումները իրականացվում են Սպուտնիկ Վ, Աստրազենեքա, Կորոնավաք պատվաստանյութերով: «ԱստրաԶենեկա»-ով և «Կորոնավակ»-ով պատվաստումները կարող են իրականացվել 18 և բարձր տարիքի անձանց շրջանում, ըստ դիմելիության, կամավորության սկզբունքով: Իսկ «Սպուտնիկ-Վի»-ով պատվաստումները նախատեսված են 18 տարեկանից բարձր քրոնիկ հիվանդների, 18-54 տարեկան բուժաշխատողների, սոցիալական խնամքի կենտրոնների բնակիչների և աշխատակիցների համար:

COVID-19-ի դեմ պատվաստումների մեկնարկից ի վեր Հայաստանում հունիսի 20-ի դրությամբ`կատարվել է 64293 պատվաստում։

Պատվաստումներն իրականացվում են առողջության առաջնային պահպանման կազմակերպություններում շաբաթվա բոլոր օրերին. շաբաթ և կիրակի սահմանվել են հերթապահություններ՝ ժամը 10։00-16։00-ը: Նախապես պետք է զանգահարել նախընտրած պոլիկլինիկա`անկախ կցագրումից, և գրանցվել պատվաստման համար: Կարող են պատվաստվել նաև օտարերկրյա քաղաքացիները: Պատվաստումներն անվճար են: