ՀՀ ՊՆ ներկայացուցիչ Արծրուն Հովհաննիսյանն այսօր ասել է, այս պահի դրությամբ արցախա-ադրբեջանական սահմանի ողջ երկայնքով շարունակվում են մարտական գործողությունները տարբեր ինտենսիվությամբ: Նա նշել է, որ կիզակետում շարունակում են մնալ հյուսիսային եւ հարավային ուղղությունները: «Օրվա ընթացքում հրետանու կիրառությունը բավականին մեծ է եղել: Հրետակոծվել են նաեւ հյուսիսային հատվածի հայկական բնակավայրերը, մասնավորապես՝ Մարտակերտն ու հարակից բնակավայրերը: Կրակի տակ են ընկել նաեւ լրատվամիջոցների ներկայացուցիչները»,- ասել է Արծրուն Հովհաննիսյանը: Նա հավելել է, որ հայկական կողմի վիրավորների մեծ մասն ունեն թեթեւ վնասվածքներ եւ շատերն առաջին բուժօգնությունից հետո վերադարձել են մարտական շարքեր: