Արցախի Հանրապետության տեղեկատվական շտաբը գրում է.

«Արդեն ութերորդ օրն է՝ Ադրբեջանը շարունակում է փակ պահել Արցախը Հայաստանին կապող միակ ճանապարհը: 1100 քաղաքացի, որից 270-ը անչափահաս, տուն վերադառնալու հնարավորություն չունի:

Հաշվի առնելով ճանապարհի արգելափակման հետևանքով ստեղծված իրավիճակը` քաղաքացիների հետ օպերատիվ կապի ապահովման համար գործում է շուրջօրյա թեժ գիծ:

Թեժ գծին հնարավոր է զանգահարել Արցախից՝ 119, իսկ Հայաստանի Հանրապետությունից ու արտերկրից՝ +374-47-119-119 հեռախոսահամարներով: Քաղաքացիները կարող են զանգահարել և տեղեկացնել այն խնդիրների մասին, որոնք ծագում են իրավիճակի հետևանքով»։

«Կյանքը շարունակվում է, գնում ենք առաջ, ոչ մի բան չի փոխվել»,-ֆեյսբուքյան ուղիղ եթերում արցախցիներին ողջունելուց հետո ասաց Արցախի պետնախարար Ռուբեն Վարդանյանը՝ հիշեցնելով, որ Արցախի ժողովուրդն արդեն 168 ժամ բլոկադայի մեջ են։

Նա տեղեկացրեց, այսօր հանդիպում է ունենալու Ասկերանում, հիշեցրեց, որ արդեն հանդիպումներ անցկացրել է Մարտունիում, Մարտակերտում։