Ինչպես հայտնում են ՌԴ ՊՆ մամուլի ծառայությունից՝ մարտական պատրաստության պլանային պարապմունքների շրջանակներում բոլոր 27 դիտակետերում անցկացվել են զորավարժություններ, հնարավոր անկարգությունները, սադրիչ գործողությունները կանխելու և դիտակետերի վրա հարձակումները հետ մղելու սցենարներով:
Վարժանքների ընթացքում դիրքի պաշտպանությունն ուժեղացնելու համար գործի են դրվել БТР-82А զրահամեքենաների հերթապահ ստորաբաժանումները: Վարժանքներին նաև մասնակցել են ռուսական խաղաղապահ զորակազմի ականանետային հաշվարկները: Հրետանավորները կատարել են կրակային դիրքերի գրավման, նշված թիրախներին կոորդինատներով զենքեր ուղղորդելու, ինչպես նաեւ թիրախների հետախուզման եւ կրակային դիրքերի փոփոխման մարտավարական նորմատիվները: