Արցախի բնակչության դեմ Ադրբեջանի հարձակումները համակարգային բնույթ են ստանում. ՀՀ ԱԳՆ
▲ Դեպի վեր
  • Երեվան -10°C
    67%
    2 կմ/ժ
  • Շիրակ -17°C
    78%
    0 կմ/ժ
  • Լոռի -16°C
    87%
    12 կմ/ժ
  • Տավուշ -8°C
    67%
    17 կմ/ժ
  • Արարատ -9°C
    61%
    5 կմ/ժ
  • Սյունիք -7°C
    78%
    14 կմ/ժ
  • Արմավիր -9°C
    67%
    2 կմ/ժ
  • Գեղարքունիք -16°C
    84%
    13 կմ/ժ
  • Արագածոտն -11°C
    67%
    2 կմ/ժ
  • Կոտայք -13°C
    77%
    10 կմ/ժ
  • Արցախ -7°C
    84%
    13 կմ/ժ
:
  • Եվրո = 544.9005
  • Ռուբլի = 6.29165
  • Դոլար = 481.668

Արցախի բնակչության դեմ Ադրբեջանի հարձակումները համակարգային բնույթ են ստանում. ՀՀ ԱԳՆ

Արցախի բնակչության դեմ Ադրբեջանի հարձակումները համակարգային բնույթ են ստանում. ՀՀ ԱԳՆ

Հայաստանի Հանրապետության ԱԳՆ մամուլի քարտուղար Վահան Հունանյանը հատկանշական է համարում, որ Արցախի հայ քաղաքացիական բնակչության դեմ հարձակումներն ու ահաբեկման գործողությունները համակարգային բնույթ են ստանում, ինչը պաշտոնական Բաքվի՝ նախկինում Ադրբեջանի զինված ուժերի կողմից իրագործված նմանատիպ հանցագործություններն անհիմն պատճառաբանություններով արդարացնելու արդյունքն է, ինչը բերում է նմանատիպ վարքագծի կրկնության։ Այս մասին նա նշել է՝ հայտարարությամբ անդրադատնալով դեկտեմբերի 3-ին Արցախի Մարտունու շրջանի Ճարտար համայնքի մերձակայքում գյուղատնտեսական աշխատանքներ կատարելիս ադրբեջանական ստորաբաժանումների կողմից Ճարտարի բնակիչ Սեյրան Սմբատի Սարգսյանի գերեվարմանը և դիտավորյալ սպանությանը։

«Խստորեն դատապարտում և անթույլատրելի ենք համարում Ադրբեջանի զինված ուժերի կողմից միջազգային մարդասիրական իրավունքի նորմերի կոպտագույն խախտմամբ իրականացված քաղաքացիական անձի սպանությունը։

Հատկանշական է, որ Արցախի հայ քաղաքացիական բնակչության դեմ հարձակումներն ու ահաբեկման գործողությունները համակարգային բնույթ են ստանում, ինչը պաշտոնական Բաքվի՝ նախկինում Ադրբեջանի զինված ուժերի կողմից իրագործված նմանատիպ հանցագործություններն անհիմն պատճառաբանություններով արդարացնելու արդյունքն է, ինչը բերում է նմանատիպ վարքագծի կրկնության»,- ասվում է հայտարարության մեջ։

Ըստ ՀՀ ԱԳՆ մամուլի քարտուղարի՝ վերջին շրջանում Արցախի քաղաքացիական բնակչության նկատմամբ ադրբեջանական զինված ուժերի կողմից իրականացված հանցագործությունները, Ադրբեջանի իշխանությունների կողմից վարվող հայատյացության և Արցախի հայաթափման ու էթնիկ զտումների քաղաքականության շարունակությունն են, ինչը ևս մեկ անգամ վկայում է, որ Արցախի հայերի ֆիզիկական անվտանգության ու կյանքի իրավունքի երաշխավորումն անհնար է Ադրբեջանի իրավասության կամ ենթակայության ներքո։

«Այս և քաղաքացիական բնակչության նկատմամբ նախկինում իրականացված հարձակումների պատշաճ հետաքննությունը և մեղավորներին պատասխանատվության ենթարկելը կարող են նախադրյալներ ստեղծել՝ նմանատիպ հանցագործությունները հետագայում կանխելու համար»,- հայտարարել է Վահան Հունանյանը։

Թեմայի այլ նորություններ