ԱԳՆ ղեկավար. Երեւանն աջակցում է Լեռնային Ղարաբաղում դիտորդների տեղակայմանը
▲ Դեպի վեր
  • Երեվան 2°C
    93%
    3 կմ/ժ
  • Շիրակ 0°C
    89%
    2 կմ/ժ
  • Լոռի 0°C
    73%
    10 կմ/ժ
  • Տավուշ 8°C
    57%
    3 կմ/ժ
  • Արարատ 2°C
    93%
    3 կմ/ժ
  • Սյունիք 8°C
    54%
    0 կմ/ժ
  • Արմավիր 2°C
    93%
    1 կմ/ժ
  • Գեղարքունիք 1°C
    86%
    2 կմ/ժ
  • Արագածոտն 1°C
    86%
    2 կմ/ժ
  • Կոտայք 2°C
    93%
    1 կմ/ժ
  • Արցախ 7°C
    60%
    1 կմ/ժ
:
  • Եվրո = 611.7205
  • Ռուբլի = 6.6844
  • Դոլար = 506.984

ԱԳՆ ղեկավար. Երեւանն աջակցում է Լեռնային Ղարաբաղում դիտորդների տեղակայմանը

ԱԳՆ ղեկավար. Երեւանն աջակցում է Լեռնային Ղարաբաղում դիտորդների տեղակայմանը

Երեւանն աջակցում է Լեռնային Ղարաբաղում դիտորդների տեղակայմանը, ասել է Հայաստանի արտգործնախարար Զոհրաբ Մնացականյանը:

Հայաստանի ԱԳՆ ղեկավարի խոսքով՝ Երեւանը միշտ աջակցել է հրադադարի ռեժիմի մշտական դիտարկման գաղափարին, որն առաջարկվել է ԵԱՀԿ Մինսկի խմբի համանախագահների կողմից 2016-ի ապրիլի սրացումից հետո: Նրա խոսքերով, Հայաստանն ու Ադրբեջանը համաձայնել են ընդլայնել ԵԱՀԿ նախագահող երկրի հատուկ ներկայացուցչի դիտորդական խումբը եւ ստեղծել հրադադարի ռեժիմի խախտումների դեպքերի հետաքննման մեխանիզմ:

«Սակայն այնուհետեւ Ադրբեջանը հրաժարվեց կատարել այդ պայմանավորվածությունները: Սա եւս մեկ անգամ ցույց է տալիս, որ ոչ երեկ, ոչ այսօր Ադրբեջանը շահագրգռված չէ կայուն ու ստուգելի հրադադարի ռեժիմով: Բայց մեր տեսակետը չի փոխվել, եւ մենք աջակցում ենք դիտորդների տեղակայմանը»,- ասել է Մնացականյանը «ՌԻԱ Նովոստի»-ին տված հարցազրույցում:

Ինչ վերաբերում է խաղաղապահների ներդրմանը, նա նշել է, որ Լեռնային Ղարաբաղում խաղաղապահների հնարավոր մեխանիզմում կարող են ներառվել միայն նրանք, ովքեր չեզոք դիրք են զբաղեցնում:

«Ինչը կարելի է շեշտել հենց սկզբից. Ցանկացած խաղաղարար մեխանիզմ չի կարող ներառել նրանց, ովքեր խոսքով եւ գործով գործում են ոչ թե չեզոք, այլ որպես հակամարտության կողմ»,- ասել է Մնացականյանը:

Նրա խոսքով՝ «խաղաղապահ գործողությունը միշտ եղել է հիմնական սկզբունքների մի մասը եւ, հետեւաբար, հակամարտության կարգավորման կարեւոր բաղադրիչը»: «Այս փուլում դժվար է առաջարկել խաղաղապահ գործողության հետ կապված պահանջների սպառիչ ցուցակ»,- ասել է նա:

Թեմայի այլ նորություններ